‘‘‘‘‘‘ صينية الرقاق باللحمة المفرومة ‘‘‘‘‘‘سريعة وسهلة

صينية الرقاق باللحمة المفرومة

اول حاجه نجيب رقاق طرى من عند اى فطاطرى
ونستعمله فورا قبل ما ينشف
يكون عندنا شوربة دسمة من لحم ضانى ( او كندوز )
وطبعا لحم معصج بالملح والفلفل
و ندهن صينية الفرن بالسمن ونفرد رقاقه ونشيل البواقى
و نحط عليها معلقتين شوربة ونحط الرقاقة التانية
ونفرد شوية عصاج خفيف
و نعيد تانى رقاقتين بينهم شوربه ثم عصاج
ونكرر لغاية تخانة حوالى صباعين ( 3 سم تقريبا )
ونختم اخر رقاقه عليها معلقتين سمن
ونخرط الصينية مربعات بسكين حاد علشان ما نلخبطش الرقاق

بعد كده عالفرن الحامى لغاية السوى وبدء احمرار الوش
نطلع الصينية ونكون مجهزين كوباية لبن مضروب فيها صفار بيضتين
وندلقها على وش الصينية وتدخل الفرن تانى للتحمير النهائى
ويا سلام عليها جنب حته ضانى مستويه
وألف هناااااااااااااااااااااا و شفاااااااااااااااا
وكل عام وأنتم بكل صحة وخير وسلام
اخوكم ممحد جمال