مثبت: البلودينون(الكوا بويز- الكوا جان- الدرايف - البولدبال - الجن )

[center][size=24][color=orange]البلودينون ده بيندرج تحته حاجات كتير منها(الكوا بويز- الكوا جان- الدرايف - البولدبال - الجنابول ) كل ده بلودينون والماده الفعاله للبلودينون اسمها بلودينون انديكونوات وطبعا البلودينون ده منشط بنائي متوسط اندروجينيا او معتدل اندروجينيا وبيشتغل علي موضوع توازن النيتروجين الي زي ما اتفقنا بيؤدي الي اختزان اختزان البروتين في العضله ولما نيجي نتكلم عن الحاجات الي بيعملها البلودينون للشخص الي بياخده هنلاقي انه بيعمل حاجات كتير كويسه زي انه بيدي قوه عضليه كبيره وحجم مش وحش والميزه الكبري بقا انه بيدي عضله صلبه بخلاف المنشطات الي اتكلمنا عنها قبل كده وده لانه مش بيحبس مياه وكمان بيزود ضخ الدم للعضله بالنسيبه لفترة عمر النصف بتاعته حوالي 14 يوم الاعراض الجانبيه وعيوبه بقا انه بيسبب الجينكوماستيا وبيقلل انتاج التستوستيرون الطبيعي من الخصيه وحب الشباب والعدوانيه وزيادة الشهوه الجنسيه وده بيستمر اثره في الجسم لمدة حوالي 6 شهور ولذلك ممكن الكشف عنه في هذه الفتره الجرعه بتبقي للاعب المبتدا حوالي 150 مج في الاسبوع اما للاعب المتقدم بتبقي حوالي من300 :400 مج في الاسبوع وطبعا البلودينون مش موجود في الصيدليات وطبعا بيخلف شكله علي حسب المنتج يعني بيختلف من جانبول الاكوا بويزالاكوا جان وكمان بيختلف في النوع الواحد يعني في فايلاتاكوا بويز 50 مل وفي 10 مل فاشكاله متعدده لكن الميزه الي فيه انه بيدي عضله صلبه بتحس انك لاعب كمال اجسام لان العضله لما بتبقي ناشفه بتبقي شكلها جميل.